miälksträötenlächt
miälksträötenlächt
demanten von giënen
kometenföüer glemmert
düört himmelstelt
lächt von giënen
löcht` in minnen draum
schnigget in min hiärt
inkästken fötėt lächt
de tëit
de tëit is dao
ton liäben stiärwen
lachen grëinen
schlaopen waken
-
ümmers
dat water
dat water
ächtert schütt
wältert sick
üm un üm un üm
-
üm süß fö nix
un wëier nix
üm un üm un üm
ächtert schütt
-
un üm nix
|
früömde
daore
augenvekeigler
met quaoden sinn
in upstand
met parolen
von vüörgistern
klocken met sprunk
tumbe tödden -
früömde tohous
outlucht I
se steiht inne outlucht
den mannel üöwern arm
kick de straote entlank
den weg entlank
un kick
-
outlucht II
se steiht
un steiht
inne outlucht
mannel üöwern arm
un kick
de straote entlank
den weg
un kick
un steiht
|
vonėn Pastauer
ick häw vonėn Pastauer
nen antiquarisch Wörterbauk
schonken kriegen
den eisten Band
he geiht
von a-
bis
biselig
tohous
düör loß
tau
tach
wat is
nix
ick seihet jä
wat söühs du
dat wat is
nix is basta
gleiwėk nich
gleiwen is nich
wiëten
höär doch up
dauėk jä
jau seihėk
dou
jau
-
düör loß
tau
|
speigelbeld I
out minnen ollen speigel
kick ümmers nen oulenspeigel
spassig
Speigelbeld II
min afbeld
min giägenüöwer
min giënsëit
quecksülwer
un süß
nix
Speigelbeld III
vüörn ick
ächten dou
düssëit beld
giënsëit afbeld
speigelbeld
vüörn glass
un ächten
spinnekoppeln
|