wohen
     wohen  

    wohen 
    sall ick 
    gaohn 
    düör de düör 
    den wegg 
    länks 
    de gräfte 
    inėn blinnen busk 
    üöwer de brügge 
    inėt schwatte holt 

    un denn 
     

    seuken 

    ick seuke 
    in minnen kopp 
    et findėt sick 
    nix 
    bineine 

    dao is 
    vestand 
    bëi 
    segg 
    de dokter 

    strëit  

    gewunnen 
    den strëit 

    veluoren 

    min gesicht 
    min gewiëten 
    min hiärte 

    minne kinner 
     

    et geiht  

    de holtkloß wät 
    müöhr de wille wëin 
    kümp mi inėt hous 
    wassen 

    minne schauhe häwėk 
    düörschliëten den haut 
    einewechen 
    hangen laoten 
    ick häw minne schlüödel 
    velegt den namen 
    von minnen frönd 
    vegiäten 

    wo geih diėt 
    röpp de naohber 
    guod 
    segg ick 

     ick gleiwe 

    vebroukt 
    min tiärgeld 

    veluoren 
    minne schlüödel 

    tebruoken 
    minne gliäser 

    ick gleiwe 
    ick wät 

    aolt 
     

    min hiärwst  

    vebroukt 

    min aohm 
    minne tëit 

    veluoren 

    min lachen 
    min grëinen 

    tebruorken 

    minnen glauwen 
    min hiärt 

     aollerhillgen  

    linnenlauf 
    flügg 
    sachte dal 

    steffmütterken 
    kick mi an 

    stiärwen 
    un liäwen 

    sachte 
    decket 
    linnenlauf 
    liäben 
    un 
    daut 

 
start
faxen
fleig
wohen
5 + 5
anunfö
greun
fröümde
dëiers
schraot